حاتة صاكة تسأل واحد محشش

حاته (بنيه صاكه) سألت محشش شنهو معنى الحب فجاوبها المحشش وانطلق بتحشيشه
الحب هو مكان يوضع فيه الماءءء والماءء هي اللغه التي يتحدث بها الطلليان والطليان مثل ماتعرفين اخذو كأس العالم والعالم مو مثل اي انسان لان مثل ماتعرفين الموت حق واني انفغل اهواي والانفعال مشتق من(فعل)فعل الذين اتحبيهم مايتصلون بيج (بعد)لان مثل ماتعرفين البعد كتال صاحبه مثل الماطور مال حوض السمج والسمج يعيش بالماء ركزي وياي بالماء مول الماء لغت الطليان لج لابابا لا انت مبين سحبج ضعيف لج بابا الماء اللذي يوضع بل حب
والحب شي رومانسي فرض على كل مسلم ومسلمه لان مثل ماتعرفين الحج اشهر (معلومات)لان هاي المعلومات تفيدج بالحياة والحياة حلوه مثل الحب بس حب عين الشمس لازم لان مثل ماتعرفين لاحياة بلا شمس
ولا موبايل من دون البنات الي همه مثلج واقعات بالحب يدورن حب ما عدهن 250 دينار يشتر ن حدايق مثل الزوراء خسر الدوري من ورا العالم ركزي وياي العالم مو العالم الي همه عدهم كاس لج بابا وله دوختيني انت السحب مالج ضعيف يرادلج تسحبين من غير عامودلان مثل ماتعرفين العمود الفقري ركن مهم من اركان الوقوف بالشارع فلا توكفين هنا خاف عبالهم مفخخه
و ياخذوج بالهمر(همر بني هاشم) وبني هاشم منهم الحسين(ع) والحسين مات عطشان من الماء الي يوضع في الحب الي سالتيني عنه وهذا الجواب بس لو مو الكهرباء لح تطفى جان شرحتلج اكثر يله غير مره

تحياتي

ههههههههههههههههه شكرا